جنوبی افریقا کے سابق ٹیسٹ کپتان اور اوپننگ بلے باز ڈین ایلگر نے ٹیسٹ کرکٹ سے ریٹائرمنٹ کا اعلان کردیا۔
کرک انفو کے مطابق ڈین ایلگر اپنے ٹیسٹ کیریئر کی آخری سیریز بھارت کے خلاف کھیلیں گے، پروٹیز اور بھارت کے درمیان دو ٹیسٹ میچز پر مشتمل سیریز کا آغاز 3 جنوری سے کیپ ٹاؤن میں ہوگا۔
ایلگر اگر بھارت کے خلاف دونوں ٹیسٹ میچوں کے لیے پلیئنگ الیون میں شامل ہوتے ہیں تو وہ 12 سال پر محیط کیریئر میں 86 ٹیسٹ میچ کھیلیں گے۔
ڈین ایلگر کا کہنا تھا کہ کیپ ٹاؤن ٹیسٹ میرا آخری ٹیسٹ ہوگا، دنیا میں میرا یہ پسندیدہ اسٹیڈیم ہے جہاں نیوزی لینڈ کے خلاف اپنا پہلا ٹیسٹ رن بنایا اور امید ہے کہ اپنا میرا آخری رن بھی اسی گراؤنڈ میں اسکور کروں۔
یہ بھی پڑھیں:
2012 میں ڈیبیو کرنے والے 36 سالہ ڈین ایلگر 5146 رنز کے ساتھ جنوبی افریقا کی جانب سے ٹیسٹ کرکٹ میں سب سے زیادہ رنز بنانے والے آٹھویں کھلاڑی ہیں۔
