تھانہ کوہسار کے قریب نواحی علاقہ تلہاڑ میں اراضی کے تنازع پر دو چچا زاد بھائیوں کو قتل کر دیا گیا۔
وفاقی دارالحکومت اسلام آباد کے تھانہ کوہسار کے قریب نواحی علاقہ تلہاڑ میں اراضی کے تنازع پر دو سگے بھائیوں کو قتل کردیا گیا۔
پولیس ذرائع کا کہنا ہے کہ واقعے کی اطلاع ملتے ہی ریسکیو اور پولیس کی ٹیمیں جائے وقوعہ پر پہنچ گئیں اور لاشوں کو فوری طور پر پولی کلینک منتقل کردیا گیا، جب کہ وقوعے سے شواہد جمع کرلئے گئے ہیں۔
پولیس ذرائع نے بتایا کہ مرنے والوں کی شناخت عمیر اور عمران کے نام سے ہوئی ہے جو سگے بھائی ہیں، جب کہ ابتدائی تفتیش میں پتہ چلا ہے کہ فائرنگ کرنے والے احتشام اور حیان نامی ملزمان مقتولین کے چچا ذاد ہیں۔
پولیس ذرائع کے مطابق مقتولین کا پولی کلینک میں پوسٹ مارٹم جاری ہے، اور مزید تفتیش کی جارہی ہے۔
