راولپنڈی کے لیاقت باغ میں مہنگائی کے خلاف جماعت اسلامی کا دھرنا 8 ویں روز بھی جاری ہے۔ حکومتی مذاکراتی کمیٹی، جماعت اسلامی میں مذاکرات میں پیشرفت سامنے آئی ہے۔ جبکہ حافظ نعیم نے دھرنے سے ویڈیو لنک سے خطاب میں کہا کہ فرار کا راستہ اختیار کرنے سے کچھ نہیں ہوگا دھرنے بڑھتے جائیں گے اور سڑکیں بند ہوں گا، ڈی چوک چھوٹی بات ہے ہم تو پارلیمنٹ ہاؤس جائیں گے
فرار کا راستہ اختیار کرنے سے کچھ نہیں ہوگا دھرنے بڑھتے جائیں گے اور سڑکیں بند ہوں گی حافظ نعیم نے دھرنے میں دیڈیو لنک سے خطاب میں اعلان کرتے ہوئے کہا کہ ڈی چوک چھوٹی بات ہے ہم تو پارلیمنٹ ہاؤس جائیں گے۔
حافظ نعیم کا مزید کہنا تھا کہ ہم تاجروں اور صنعتکاروں سے رابطے میں ہیں ، 25 ہزار ملازمین کا ایف بی آر کرتا کیا ہے آئی پی پیز لوٹ مار کا کام کرتے ہیں ۔
ذرائع کے مطابق حکومت پنجاب نے گرفتاررہنماؤں اورکارکنان کی رہائی کا فیصلہ کرلیا، رہائی کا فیصلہ وفاقی حکومت کی سفارش پر کیا گیا۔ جماعت اسلامی کے گرفتار ورکرز کو آج رہا کر دیا جائے گا۔
واضح رہے کہ شرکا مطالبات کی منظوری کے لیے پر عزم ہیں، لوگوں کی آمد کا سلسلہ جاری ہے۔ ادھر امیر جماعت اسلامی حافظ نعیم اسماعیل ہنیہ کی نماز جنازہ میں شرکت کے لیے قطر چلے گئے۔
دھرنے کے شرکا نے صبح نماز فجر باجماعت ادا کی، دھرنا کے شرکا اور راولپنڈی ویسٹ منیجمنٹ کے عملے نے دھرنے کی جگہ پر صفائی کی، اسٹیج سے اعلان کیا گیا کہ صفائی کا خیال رکھا جائے۔
حافظ نعیم الرحمان کی قطر روانگی
نائب امیر جماعت اسلامی لیاقت بلوچ نے بتایا کہ امیرجماعت اسلامی حافظ نعیم الرحمان قطر تشریف لے گئے ہیں،وہ اسماعیل ہنیہ شہید کی نماز جنازہ میں شرکت کریں گے اور پھر کل ہمارے درمیان پھر موجود ہوں گے۔
نائب امیر جماعت اسلامی لیاقت بلوچ نے کہا کہ آئی پی پیز کو نوازا گیا، حکومت آئی پی پیز کے ساتھ معاہدوں پرعوام کو دھوکا دے رہی ہے، دھرنا اور احتجاج بھی پاکستان کی سیاست کا حصہ ہے، ایجنڈا ذاتی نہیں عوامی ہے۔
انہوں نے کہا کہ ناقص منصوبوں پر نظر ثانی کی جائے، حکومتی مذاکراتی کمیٹی نے مطالبات وزیراعظم تک پہنچانے کی یقین دہانی کروائی ہے، لیاقت باغ سے ڈی چوک تک جانے کیلئے کمیٹی چوک، فیض آباد، زیرو پوائنٹ بھی آتا ہے، حکومت نے ریلیف نہ دیا تو گھاٹے میں رہے گی۔
##حکومت کا خیال تھا کہ یہ ایک دو دن کے لئے آئیں گے، حافظ نعیم
واضح رہے کہ گزشتہ روز دھرنے کے شرکاء سے خطاب کرتے ہوئے امیر جماعت اسلامی حافظ نعیم الرحمان نے کہا کہ دھرنے کے 7 دن مکمل ہو گئے، حکومت کا خیال تھا کہ یہ ایک دو دن کے لئے آئیں گے لیکن کارکنوں نے ثابت کر دیا کہ دھرنے میں روزانہ اضافہ ہو رہا ہے۔
جماعت اسلامی کا دھرنا جاری: حافظ نعیم نے ’حکومت ہٹاؤ‘ تحریک کی دھمکی دے دی
حافظ نعیم الرحمان نے کہا کہ دھرنا پورے ملک کے عوام کی امیدوں کا مرکز بن رہا ہے، جماعت اسلامی نے فیصلہ کن جہدوجہد شروع کی ہے، یہ دھرنا بھی بڑھتا جا رہا ہے اور رابطہ عوام بھی بہتر ہو رہا ہے، حق دو عوام تحریک کا پہلا مرحلہ بجلی کے بل کم کرانا ہے۔
امیر جماعت اسلامی نے کہا کہ مراعات یافتہ طبقہ ملک کے تمام اداروں کو بیچنا چاہتا ہے، اگر کوئی سرمایہ کاری کرے تو اداروں کی رشوت کا سامنا کرنا پڑتا ہے، مراعات یافتہ طبقہ آپس میں ایک ہے، یہ دھرنا اس لئے دیا ہے کہ ظلم کے نظام کا خاتمہ ہو۔
انہوں نے کہا کہ حکمران چوروں، ڈاکوؤں اور خود کو تحفظ دے رہے ہیں، پیپلزپارٹی نے 94 میں آئی پی پیز کے معاہدے کیے، پرویز مشرف، پیپلزپارٹی اور ن لیگ نے آئی پی پیز کو نوازا، ہزاروں ارب روپے لٹائے گئے، تحریک انصاف کی حکومت نے بھی آئی پی پیز کو نوازا، آئی پی پیز والا معاملہ ہونے تک دھرنا ختم نہیں ہوگا۔
عمران خان کی پارٹی قیادت اور کارکنوں کو جماعت اسلامی کے دھرنے میں شرکت کی ہدایت
امیر جماعت اسلامی کا ملک گیر پہیہ جام ہڑتال کا عندیہ
حافظ نعیم الرحمان نے کہا کہ ہم کہتے ہیں جن لوگوں نے آئی پی پیز کے معاہدے کیے وہ ذمہ دار ہیں، ہم کیپسٹی چارجز کی پیمنٹ نہیں دیں گے۔
