جہانیاں میں بل ادائیگی کے باوجود بجلی بحال نہ ہوئی تو گھریلو حالات سے تنگ 4 بچوں کی ماں نے زہریلی گولیاں کھا کر زندگی ختم کرلی۔ شوہر کا کہنا ہے کہ بل ادائیگی کے بعد گھر میں راشن کیلئے پیسے نہ تھے اور بچے 2 روز سے بھوکے تھے۔
واقعہ جہانیاں کے علاقہ چک 114 دس آر میں پیش آیا۔ گھر کے سربراہ قاسم نے بتایا کہ وہ 4 بچوں کا باپ ہے اور 400 روپے دیہاڑی پر مزدوری کرتا ہے۔
محنت کش نے مزید بتایا کہ 10 ہزار روپے بجلی کا بل آیا تو گھر کی اشیاء فروخت کیں اور قرض لیکر بل ادا کیا۔
خاتون کے شوہر کا مزید کہنا تھا کہ بل ادا کرنے کے باوجود میپکو اہلکاروں نے بجلی بحال نہ کی، بل ادائیگی کے بعد گھر میں راشن کیلئے پیسے بھی نہ تھے۔
قاسم نے بتایا کہ گھر آیا تو بیوی حمنہ بجلی کی بندش اور بھوکے بچوں کی وجہ سے پریشان تھی، کام پر گیا تو اس نے زہریلی گولیاں کھا لیں، اسے تحصیل اسپتال منتقل کیا گیا لیکن وہ جانبر نہ ہوسکی۔
سکیورٹی برانچ اور اسپیشل برانچ سے تصدیق ہوگئی
بل بھر دیا تھا
واپڈا والے تار نہیں لگا رہے تھے
راشن کے پیسے ختم ہوگئے تھے
اس لئے رات گولیاں کھائی تھیں صبح انتقال ہوگیا
