اسلام آباد ہائی کورٹ کے چیف جسٹس عامر فاروق کے خلاف سوشل میڈیا پر مذموم مہم کی تحقیقات کیلئے جوائنٹ انویسٹی گیشن ٹیم قائم کردی گئی۔
مشترکہ تحقیقاتی ٹیم چار ارکان پر مشتمل ہوگی۔
ایف آئی اے، آئی ایس آئی، آئی بی اور وفاقی پولیس کے افسران ٹیم میں شامل ہیں۔
جوائنٹ انویسٹی گیشن ٹیم 15روز میں تحقیقاتی رپورٹ مرتب کرے گی۔
یاد رہے کہ چیف جسٹس اسلام آباد ہائیکورٹ عامر فاروق کے خلاف ایک سیاسی جماعت کی جانب سے سوشل میڈیا پر مذموم مہم چلائی گئی تھی۔
