ایک طرف پی ٹی آئی بیرون ملک مقیم پاکستانیوں سے ترسیلاتِ زر روکنے کی اپیل کر رہی ہے تو دوسری جانب ترسیلاتِ زر میں نمایاں اضافہ ریکارڈ کیا گیا ہے۔
اسٹیٹ بینک کے مطابق دسمبر 2024 میں ترسیلاتِ کی مالیت تین ارب دس کروڑ ڈالر رہی، جبکہ سالانہ بنیاد پر ترسیلات میں 29 اعشاریہ 3 فیصد اضافہ ہوا۔
رواں مالی سال پہلی ششماہی کے دوران ترسیلات کا حجم 17 ارب 80 کروڑ ڈالر رہا۔
چھ ماہ کے دوران سب سے زیادہ 77 کروڑ ڈالر سعودی عرب سے بھیجے گئے۔
متحدہ عرب امارات سے 63 کروڑ 15 لاکھ اور برطانیہ سے 45 کروڑ 69 لاکھ ڈالر ترسیل کئے گئے۔
تاہم، پی ٹی آئی کی سیکریٹری اطلاعات شیخ وقاص اکرم کا کہنا ہے کہ اوورسیز پاکستانیوں سے ترسیلات روکنے کی اپیل کا اثر اگلے دو تین ماہ میں نظر آئے گا۔
