بین الاقوامی سطح پر تیل کی قیمتوں میں کمی اور ڈالر کے مقابلے میں روپے کی قدر میں بہتری کی وجہ سے پیٹرولیم مصنوعات کی قیمتوں میں نمایاں کمی کا امکان ہے۔
نجی ٹی وی کے مطابق آج رات سے پیٹرول و ڈیزل کی قیمتوں میں کمی کا قوی امکان ہے، پیٹرول فی لٹر 9 روپے سستا ہونے کا امکان ہے۔
ڈیزل کی قیمت میں دو روپے فی لٹر کمی کا امکان ہے، لائٹ ڈیزل کی قیمت میں 1 روپے 70 پیسے کمی متوقع ہے جبکہ مٹی کا تیل 1 روپے 80 پیسے سستاہونے کا امکان ہے۔
پیٹرولیم مصنوعات کی قیمتوں کے حوالے سے اوگرا اپنی سمری وزارت پیٹرولیم کو بھجوائے گی،حتمی قیمتوں کا اعلان وزیراعظم سے مشاورت کے بعد کیا جائے گا۔
واضح رہے کہ اس وقت ملک بھر میں پیٹرول 267 روپے 34 پیسے اور ڈیزل 276 روپے 21 پیسے میں فروخت ہو رہا ہے۔
