نگراں وزیراعظم انوار الحق کی زیر صدارت بجلی کے نرخوں کے حوالے سے ہنگامی اجلاس شروع ہوگیا ہے، جس میں صارفین کو ریلیف دینے کے حوالے سے مشاورت کی جائے گی۔
بجلی کے نرخوں کے حوالے سے ہنگامی اجلاس شروع ہوگیا ہے، اجلاس کی صدارت نگراں وزیراعظم انوارالحق کاکڑ کررہے ہیں، جس میں نگراں وزیر توانائی و بجلی سمیت متعلقہ وزارتوں کے حکام شریک ہیں۔
مزید پڑھیں: بجلی کمپنیوں کے ملازمین سالانہ 13 ارب کی بجلی مفت کیسے وصول کرتے ہیں
وزارت بجلی کی بجلی کی ترسیل اور نرخوں کے معاملے پر بریفنگ دی جائے گی، جب کہ تقسیم کار کمپنیوں کی جانب سے بھی تفصیلی بریفنگ دی جائے گی اور اجلاس میں صارفین کو ریلیف دینے کے حوالے سے مشاورت کی جائے گی۔
واضح رہے کہ گزشتہ 3 روز سے بجلی کے بھاری بلوں پر عوام کی جانب سے ملک کے مختلف علاقوں میں احتجاج کیا جارہا ہے، اور بجلی کے بل جلائے گئے۔ مظاہرین نے پنجاب اور سندھ کے درمین ٹریفک بند کردی ہے۔
گزشتہ روز عوام کے اس شدید ردعمل پر نگراں حکومت بھی حرکت میں آئی اور نگران وزیراعظم انوارالحق کاکڑ نے آج ہنگامی اجلاس طلب کیا تھا۔
