ذرائع ایف آئی اے کا کہنا ہے کہ 15 اگست کو ایف آئی اے نے عدالت سے تفتیش کی اجازت لی، اور دوران تفتیش چیئرمین پی ٹی آئی کو کیس میں ملوث پایا، عدالت سے عمران خان کے جسمانی ریمانڈ کی استدعا کی جسے مسترد کرکے جوڈیشل ریمانڈ منظور کیا گیا، چیئرمین پی ٹی آئی کا جسمانی ریمانڈ نہ ملنے پر قانونی تحفظات ہیں۔

چیئرمین پی ٹی آئی کے خلاف سائفر کیس میں ان کے 16 اگست کے جوڈیشل ریمانڈ کی تفصیلات سامنے آگئی ہیں۔

ذرائع ایف آئی اے کا کہنا ہے کہ 15 اگست کو ایف آئی اے نے عدالت سے سائفر کیس کی تفتیش کی اجازت لی، دوران تفتیش چیئرمین پی ٹی آئی کو کیس میں ملوث پایا۔

ذرائع ایف آئی اے کے مطابق 16 اگست کو عدالت سے چیئرمین پی ٹی آئی کے جسمانی ریمانڈ کی استدعا کی، تاہم عدالت نے جسمانی ریمانڈ کی استدعا مسترد کردی اور چیئرمین پی ٹی آئی کا 14 روزہ جوڈیشل ریمانڈ منظور کیا۔ ایف آئی اے کو چیئرمین پی ٹی آئی کا جسمانی ریمانڈ نہ ملنے پر قانونی تحفظات ہیں۔

مزید پڑھیں: عمران خان کی سزا معطلی کی اصل وجہ سامنے آگئی

ذرائع کا کہنا ہے کہ چیئرمین پی ٹی آئی کے وکلا نےعدالت سے تفصیلات حاصل نہیں کیں، چیئرمین پی ٹی آئی کے 6 وکلا آج جیل میں گئے، جن میں سے بیرسٹر سلمان سے عمران خان نے آج جیل میں الگ ملاقات کی، اور سائفر کیس میں سلمان صفدر کو لیڈ کونسل مقرر کردیا۔

عمران خان کے جوڈیشل ریمانڈ میں توسیع

مزید پڑھیں: کسی اور مقدمے میں گرفتار نہ کیا جائے، عمران خان کی ایک اور درخواست دائر

عمران خان کو جج ابوالحسنات کے روبرو پیش کیا گیا۔ عدالت نے چیئرمین پی ٹی آئی کی حاضری لگانے کے بعد اُن کے جوڈیشل ریمانڈ میں 14 روز کی توسیع کردی۔

مزید پڑھیں: عمران خان کو اٹک سے اڈیالہ جیل منتقل کرنے کا امکان

یاد رہے کہ وزارت قانون نے سیکیورٹی خدشات کے پیش نظر گزشتہ روز منگل 30 اگست کو اٹک جیل میں سماعت کی خصوصی اجازت دیتے ہوئے نوٹیفکیشن جاری کیا تھا۔