پاکستان کے ٹی 20 کپتان شاہین شاہ آفریدی نے نیوزی لینڈ کے خلاف پہلے ٹی 20 میچ میں ایک ناپسندیدہ ریکارڈ اپنے نام کرلیا۔
اکلینڈ میں کھیلے جارہے میچ میں کیوی بیٹر فن ایلن نے کپتان شاہین آفریدی کے دوسرے اوور میں انکے خلاف 24 رنز بنائے، جس میں 2 چھکے اور 3 چوکے شامل تھے، یہ ٹی20 انٹرنیشنل فارمیٹ میں شاہین کا سب سے مہنگا اوور تھا۔
اس سے قبل پہلے اوور میں شاہین آفریدی نے گولڈن ڈک پر اوپنر ڈیون کانوے کو پویلین کی راہ دکھائی تھی۔
واضح رہے کہ نیوزی لینڈ نے 5 میچوں کی سیریز کے پہلے ٹی20 میچ میں پاکستان کو 46 رنز سے شکست دیکر سیریز میں 0-1 کی برتری حاصل کرلی ہے۔
دونوں ٹیموں کے درمیان سیریز کا اگلا میچ 14 جنوری اتوار کو ہملٹن میں کھیلا جائے گا۔
