قومی کرکٹ ٹیم کے ٹیسٹ کرکٹر فواد عالم نے اپنی والدہ کے انتقال کی خبر سوشل میڈیا پر شئیر کی ہے، جس کے بعد مداحوں اور دیگر مشہور شخصیات کی جانب سے تعزیت کا سلسلہ جاری ہے۔
فواد عالم نے ”ایکس“ پر جاری پوسٹ میں اپنے تمام فینز کے ساتھ والدہ کے انتقال کی خبر شیئر کی۔
ایشین اسنوکر چیمپیئن شپ، فائنل میں پاکستان کو شکست
فواد عالم نے افسوس کا اظہار کرتے ہوئے بتایا کہ، ’والدہ گزشتہ چند ماہ سے بہت بیمار تھیں جو انتقال کرگئی ہیں۔‘
انہوں نے مزید لکھا، ’اپنی زندگی کی سب سے روشن کرن اپنی امی کو کھو دیا، ان کے جانے سے جو خلا پیدا ہوا ہے وہ کبھی پُر نہیں ہوسکتا، اللّٰہ تعالیٰ سے دعا کرتے ہیں وہ ہماری والدہ کے درجات بلند فرمائے! آمین۔‘
پی سی بی نے سابق اسٹار کرکٹرز کو ٹیم کا مینٹور بنانے کا فیصلہ کرلیا
فواد عالم کی والدہ کی نماز جنازہ آج بروز ہفتہ 6 جولائی کو بعد نماز مغرب فیلکن سٹی نزد ملیر کینٹ کراچی میں ادا کی جائے گی۔
فواد عالم کے اس ٹوئٹ پر تعزیتوں کا سلسلہ جاری ہے۔
