عالمی مالیاتی ادارے (آئی ایم ایف) نے رواں مالی سال کے دوران پاکستان کے کرنٹ اکاؤنٹ خسارے میں اضافے جبکہ بجٹ خسارے، بے روزگاری اور مہنگائی کم ہونے کی توقع ظاہر کی ہے۔
ڈان نیوز کے مطابق آئی ایم ایف نے پاکستان کی معاشی اعشاریوں کی تفصیلات جاری کرتے ہوئے گزشتہ سال کے مقابلے میں معاشی شرح نمو میں اضافے کی پیش گوئی کی گئی ہے۔
رپورٹ میں مزید بتایا گیا کہ محصولات اورگرانٹس میں اضافہ ہوسکتا ہے لیکن اخراجات بڑھنے کا امکان بھی ہے۔
آئی ایم ایف نے رپورٹ میں بتایا کہ رواں مالی سال پاکستان میں مہنگائی کی اوسط شرح 18.5 فیصد رہنےکا امکان ہے، گزشتہ مالی سال کے دوران پاکستان میں اوسط مہنگائی 29.4 فیصد رہی تھی۔
